5/09/2008

Día de les Lletres Asturianes.

Apetez, davezo, ser Nils Nolgerson, montar un páxaru perriba’l país,
sentir el coru contentu de los bosques anudaos a la tierra
acolumbrar les berizales xabaces, estraes de violentos espíritus prelatinos
posase ente hortensies na mariña.
Les plantes son la patria.

Pero somos Kaspar Hauser,
y aprendemos a falar pa despidinos.

Milio Rodríguez Cueto d´el llibru Flores de cementeriu(2000)

Muerte
más fuerte
que les llingües

Muerte
más fuerte
que los pueblos

Muerte
más fuerte
que les cases

Muerte
más fuerte
que mio padre

Muerte
más fuerte
que l’amor

Muerte
más fuerte
qu’estos versos.

Milio Rodríguez Cueto d´el llibru Flores de cementeriu (2000)

2 comentarios:

gorki75 dijo...

¡Tas a too nin, nun se te escapa una! lo mismo comentas aquí el caso de una muyer que decapitó al so jamster, que el furacu de la capa de ozono, que el día de les lletres o la radio piquiñina...

Suarón dijo...

¡Qué loco mundo jejejej!