5/5/17

Día de les Lletres Asturianes

Con motivu del Día de les Lletres Asturianes equí vos dexo esti poema míu.

Poema pal váter

¡Oh váter de color blancu o color crema,
recibe la lliturxa de la mio comida y de la mio cena
y tamién la grana errante de la mio pena!

¡Oh peluquería automática
de pequeñinos pelillos culeros
pa lleer les obres completes de Suarón
tirar un peu y
nun pidir perdón!

Los homes(y les muyeres)
(y los neños y les neñes)
y hasta dalgún animal
-¡qué animal!-
osaron a mexate
a pesar de que Marcel Duchamp
alzóte a la categoría d'arte.

¡Oh váter! toma tamién estos versos,
la basura yá la tengo llena.
Enllénalos de sabiencia y esperiencia
que voi tirar de la cadena.

Rrrrrrrrrrraaaassssssssssssssssssssss!!!

Suarón.

No hay comentarios: