16/1/13

III Gran Timba Poetica de La Semiente. "La Asturgalaica"

Por tercer añu consecutivu, el centru social autoxestionáu La Semiente de L’Entregu vuelve a celebrar La gran timba poétika, que volverá a xuntar a un buen garrapiellu de músicos y poetes de la cuenca minera y del estranxeru.

 Nesta ocasión, l’eventu va tener como convidaos especiales a los poetas y performers gallegos Aurora Boreal, Saúl Pushkin, Yeiko y Luis Gallego. A ellos amiéstense poetas asturianos habituales de les timbes poétiques como Sergio Taboada, Laura Marcos, David Suárez “Suarón” o Pablo X. Suárez, que xunto con autores de la cuenca del Nalón como Pablo Antón Marín Estrada, Pablo Rodriguez Medina o Miguel Allende, ente munchos otros, van ser los protagonistes d’un espectáculu qu’axunta poesía y música, humor y crítica social.
Habrá tamién, micro abiertu pa que cualquier de los espectadores, al mou d’una jam session, pue participar tanto colos sos testos como cola so música.

La cita será’l próximu vienres, a les 20’00 hores.

Les “Timbes Poétikes” son un intentu de recuperar la dimensión oral y pública de la poesía, frente al calter escritu y priváu que tien mayoritariamente dende hai décades. Igualmente, búscase la conexón col públicu, la espontaneidá, la improvisación y l’interactuar con música en direutu. Vienen celebrándose por distintes localidaes asturianes desde fai unos años, impulsaes pelos mesmos poetes que participen nelles, pero tienen nesti centru social un referente principal, siendo la del vienres una prestosa oportunidá pa compartir la poesía con toos los llectores y visitantes que quieran averase a La Semiente (C/ Eladio Jove. L’Entregu).
 http://www.biblioasturias.com/timba-poetika-asturgalaica-nel-centru-social-la-semiente-de-lentregu/

No hay comentarios: