CHIGRE TIENDA
Chigre tienda en metá del Llagu´ l Valle
pa ufiertar pabellones de sanatorios
con curuxes precipitaes pela borda.
Estielles de texu amburen
nos rutios multiétnicos
de dempués de fartar.
El pasu intempestivu del esperteyu
anuncia'l fracasu d'una marañuela.
La noticia cuerre de foreya en foreya
escontra la curva estrema d'un trisquel.
Y va volver a orbayar sobre'l amagüestu.
Va haber espicha de poetes
nel pozu onde yá yaz el xabalí.
David Suárez, Suarón.
No hay comentarios:
Publicar un comentario