21/3/17

Gran Timba Poétika de La Semiente. Presentación de Degeneración salvaje.

Facia tiempu que nun s'entamaba la Gran Timba Poétika de La Semiente!! Esti vienres 24 de marzu a partir de les 20:00h vamos tar presentando'l Llibru "Degeneración Salvaje" con parte de les sos autores como José Yebra, Victor Cuetos, David Suarón, Gema Fernandez, y Pablo X Suarez. La presentación del llibru dira dexenerando salvaxemente p'arrancar la que sopelexamos ye la V Gran Timba Poétika de La Semiente. Onde poésia, música imprivisación, espontanies y micru abiertu van marcar la pauta. Habiendo veles, poetes, músicos daqué pa tomar y pa zampar... too ye empezar.
Va ya un par de meses o mes y mediu que decidimos faer esta actividá nesta fecha, pero munches veces les actividaes de distintos colectivos de distintos llugares pero afinidaes asemeyaes, coinciden. Ye'l casu d'esta Timba Poétika, que tamién coincide con otra que fai la xente Fame Poétika nel conceyu Mieres (el nuestru saludu y respetu pa elles), como tamién coincide cola Manifestación Tarxeta Roxa a Israel, cola que nos solidarizamos, anque nun podamos tar toes allí. Ye más, tamos a favor de saca-y la tarxeta collorá al xenocidiu que l'estáu sionista d'Israel fai sobre'l Pueblu Palestín, pero a la par pensdamos que tamién podríemos sacala a la seleción dun estáu nel que nun se respeta la llibertá d'espresión, onde se mete na carcel a poetes, raperos y titiriteros, a sindicalistes, a quien llucha escontra los desahucios, onde se echa a la xente de les sos cases pa vivir na calle, onde recorten derechos y llibertaes a la vez que los corruptos forraos con perres de toes siguen viviendo con total impunidá, con privilexos... onde los reis siguin viviendo a cuerpu de rei a costa'l pueblu y onde les infantes nun necesiten faese les sueques porque con faese les suices ya tien bastante... sí, igual tamién a esa seleción habirá que saca-y una tarxeta collorá...
Esperando una xusticia poétika, esperámovos na Gran Timba Poétika.
La Semiente https://es-es.facebook.com/la.semiente

No hay comentarios: